नवरात्री म्हटली की गरब्याच्या तालावर थिरकणाऱ्या रसिकांच्या मनात सर्वप्रथम नाव येते ते ‘गरबा क्वीन’ फाल्गुनी पाठक यांचे. यंदाच्या नवरात्रीत फाल्गुनी पाठक नव्या संगीतमय अंदाजात रसिकांच्या भेटीला आल्या असून, टिप्स म्युझिकतर्फे ‘गरबा नाईट्स विथ फाल्गुनी पाठक’ हा नवाकोरा एक तासाचा नॉन-स्टॉप गरबा संगीत अनुभव सादर करण्यात आला आहे.
नव्या गरबा गीतांचा आणि सुरेल चालींचा समावेश असलेल्या या अल्बममध्ये फाल्गुनी पाठक यांचा खास आवाज आणि उत्साहपूर्ण सादरीकरण अनुभवायला मिळणार आहे. एकापाठोपाठ एक गाणी सहजपणे पुढे सरकत राहतील, अशा पद्धतीने या संगीतप्रवासाची रचना करण्यात आली आहे. त्यामुळे गरबा मैदानांपासून कौटुंबिक समारंभ, मित्रमंडळींच्या भेटीगाठी आणि दांडिया रात्रींपर्यंत प्रत्येक उत्सवी क्षणासाठी हा अल्बम खास ठरणार आहे.
या अल्बमविषयी फाल्गुनी पाठक म्हणाल्या, “गरबा म्हणजे एकत्र येणे, उत्सव साजरा करणे आणि संगीत व भक्तीमध्ये स्वतःला हरवून जाणे. ‘गरबा नाईट्स विथ फाल्गुनी पाठक’च्या माध्यमातून यंदाच्या नवरात्रीसाठी आम्ही एक पूर्णपणे नवा संगीतप्रवास तयार केला आहे. रसिकांनी ही गाणी ऐकावीत, त्यावर मनसोक्त नाचावे, आनंद साजरा करावा आणि या गाण्यांसोबत सुंदर आठवणी निर्माण कराव्यात, यासाठी मी उत्सुक आहे.”
टिप्स म्युझिकच्या गरबा संगीतसंग्रहात या अल्बमच्या माध्यमातून आणखी एका नव्या पर्वाची भर पडली आहे. फाल्गुनी पाठक यांच्या लोकप्रिय आवाजासह नव्या चाली आणि नॉन-स्टॉप संगीताचा एक तासाचा अनुभव रसिकांना या अल्बममधून मिळणार आहे.
गरब्याची वर्तुळे सजू लागली असून दांडिया रात्रींची रंगतही वाढत आहे. अशा वातावरणात ‘गरबा नाईट्स विथ फाल्गुनी पाठक’ हा यंदाच्या नवरात्रीचा नवा संगीतसाथी ठरणार आहे. पहिल्या तालापासून शेवटच्या ठेक्यापर्यंत नाचण्यासाठी आणि उत्सवाचा आनंद द्विगुणित करण्यासाठी हा अल्बम सज्ज झाला आहे. ‘गरबा नाईट्स विथ फाल्गुनी पाठक’ हा अल्बम टिप्स म्युझिकवर उपलब्ध आहे.
लेखक – श्री. नितिन फणसे सर
डिजिटल क्रिएटर – नाट्य, मालिका आणि चित्रपट समीक्षक
