Last updated on September 27th, 2025 at 09:30 pm
‘वीण दोघातली ही तुटेना’ मालिकेतील स्वानंदी म्हणजेच अभिनेत्री तेजश्री प्रधान हिने ह्यावर्षीचा गणेशोत्सव कसा आणि कुठे साजरा करणार याबद्दल सांगितले.
आमच्या घरचा गणपती हा फिरता असतो, या वर्षी माझ्या सख्ख्या काकाच्या घरी म्हणजे गोरेगावला गणपती आहे आणि आम्ही सर्व तिकडे गणेशोत्सव साजरा करणार आहोत. म्हणजे मला लक्षात आहे की माझा जन्म झाल्यापासून गणपती स्थापना प्रधानांच्या घरी होत असताना पहिली आहे. गणपती उत्सवात मला सर्वात जास्त मोदक आवडतात, डायट असो, काही असो मोदक खाण टाळणं खूप अवघड आहे. मोदक आणि माझी वीण खूप घट्ट आहे. त्यामुळे मी उपाशी राहीन, पण मोदक नक्की खाईन. गणेशोत्सवाच्या लहानपणीच्या खास आठवणी आहेत, जिथे मी सोसायटी कार्यक्रमात सहभागी होऊन माझ्या कला सादर केल्या आहेत. बहुतेक बाप्पा त्याच्यासमोर सादर केलेली ती कला त्यांच्याच आशीर्वादाने मला आज इथवर घेऊन आली आहे.
– तेजश्री प्रधान
लेखक – श्री. नितिन फणसे सर
डिजिटल क्रिएटर – नाट्य, मालिका आणि चित्रपट समीक्षक
