डान्सिंग स्टार पुष्कर जोग आपल्या सिग्नेचर स्वॅग, अफलातून एनर्जी आणि भन्नाट डान्स मूव्ह्जसह आपल्या नव्या म्युझिक व्हिडिओ ‘हाये रे हाये’मधून पुन्हा एकदा धमाल करताना दिसत आहेत. हा पेप्पी ट्रॅक म्युझिक, ग्लॅमर, डान्स आणि पुष्कर जोग व तानिया चॅटर्जी यांच्यातील सिझलिंग केमिस्ट्रीचा जबरदस्त संगम घेऊन आला आहे.
सहज स्क्रीन प्रेझेन्स आणि एनर्जेटिक परफॉर्मन्ससाठी ओळखला जाणारा पुष्कर या गाण्यात फन आणि स्टायलिश अवतारात दिसतो, तर तानिया आपल्या ग्लॅमर आणि चार्मने व्हिडीओची रंगत आणखी वाढवते. दोघांची प्लेफुल केमिस्ट्री आणि एनर्जीने भरलेले डान्स सीक्वेन्स ‘हाये रे हाये’ला एक कम्प्लीट एंटरटेनर बनवतात.
या ट्रॅकला नकाश अजीज आणि अबोली गिरहे यांनी आपला आवाज दिला असून, याचे म्युझिक सलिल अमृते यांनी कम्पोज आणि प्रोड्यूस केले आहे. विशेष म्हणजे, या गाण्याचे लिरिक्स खुद्द पुष्कर जोग यांनी लिहिले आहेत, त्यामुळे हा प्रोजेक्ट अभिनेत्यासाठी आणखी खास आणि पर्सनल बनला आहे. म्युझिक व्हिडिओचे दिग्दर्शन अभिजीत दानी यांनी केले असून, डान्स मूव्ह्जची कोरिओग्राफी दिनेश शिरसाठ यांनी केली आहे.
गाण्याबद्दल बोलताना पुष्कर जोग म्हणाला, “हाये रे हाये हे गाणं मी सुरुवातीपासून मनापासून एन्जॉय केलं आहे. याचा वाइब खूपच फन आहे आणि यामध्ये अशी एनर्जी आहे की तुम्हाला लगेच थिरकावंसं वाटतं. या गाण्याचे लिरिक्स लिहिल्यामुळे हा प्रोजेक्ट माझ्यासाठी आणखी खास बनला. तानिया आणि मी शूटिंगदरम्यान खूप मजा केली आणि मला वाटतं की तो कम्फर्ट आणि फन व्हिडिओमध्येही दिसून येतो. लोकांनी हे गाणं एंजॉय करावं आणि त्याला भरभरून प्रेम द्यावं, अशी माझी इच्छा आहे.”
तानिया चॅटर्जी म्हणाली, “ज्या क्षणी मी ‘हाये रे हाये’ ऐकलं, त्याच क्षणी मला त्याची एनर्जी खूप आवडली. हे गाणं फन, ग्लॅमरस आणि लाईफने भरलेलं आहे. पुष्करसह शूटिंग करणं हा एक खूप छान एक्सपीरियन्स होता, कारण तो प्रत्येक फ्रेममध्ये प्रचंड एनर्जी घेऊन येतो. शूटिंगदरम्यान आम्ही खूप छान वेळ घालवला आणि मला आशा आहे की प्रेक्षकांना गाण्यातील आमची केमिस्ट्री आणि डान्स नक्कीच आवडेल.”
लेखक – श्री. नितिन फणसे सर
डिजिटल क्रिएटर – नाट्य, मालिका आणि चित्रपट समीक्षक
