अभिनेता आदिनाथ कोठारेने आजवर वेगवेगळ्या भूमिकांतून स्वतःच्या उत्तम अभिनयाचा ठसा मराठी-हिंदी कलाकृतींतून उमटवला आहे. आता आदिनाथ ‘मिरांडा वॉर्निंग’ या चित्रपटातून पोलीस अधिकाऱ्याच्या भूमिकेत दिसणार असून नुकतेच या चित्रपटाचे पोस्टर सोशल मीडियावर लाँच करण्यात आले आहे. येत्या २७ नोव्हेंबरला हा चित्रपट संपूर्ण महाराष्ट्रात प्रदर्शित होणार आहे.
सचिन धोत्रे यांनी चित्रपटाचे दिग्दर्शन केले आहे. सचिन धोत्रे यांनी २०२३ मध्ये ‘गेट-टुगेदर’ या चित्रपटाचं दिग्दर्शन केलं होतं. त्यानंतर ‘मिरांडा वॉर्निंग’ या चित्रपटातून त्यांनी वेगळा प्रयोग केला आहे. रवींद्र मठाधिकारी, सायली मठाधिकारी यांनी चित्रपटाचं लेखन केलं आहे. फार्महाऊसवर एक खूनाची घटना घडते आणि त्यानंतर सुरु होतो एक थरारक शोध. या शोधात काय काय घडतं याची रंजक गोष्ट या चित्रपटात पहायला मिळणार आहे. या चित्रपटात आदिनाथ कोठारेची प्रमुख भूमिका पहायला मिळणार आहे.
मराठी चित्रपटसृष्टीत सस्पेन्स, थ्रिलर प्रकारातील चित्रपटांना वेगळ्या उंचीवर नेण्याचा प्रयत्न ‘मिरांडा वॉर्निंग’ या चित्रपटातून करण्यात आला आहे. उत्कृष्ट कथानक, कसलेले कलाकार, तांत्रिकदृष्ट्या सक्षम कलाकृती ही या चित्रपटाची वैशिष्ट्ये आहेत.
लेखक – श्री. नितिन फणसे सर
डिजिटल क्रिएटर – नाट्य, मालिका आणि चित्रपट समीक्षक
